Kroasië se antieke Camino-roetes is in onlangse jare hervesting om nuwe pelgrims te verwelkom. Kom stap ’n pragtige kusroete uit historiese Split en geniet daarna die ikoniese hoogtepunte van die Dalmasiese kus!
Dobar dan*!
^{_{*Goeiedag! in Kroasies}}

Eers verken jy ’n deel van die Dalmasiese kus wat min mense sien op ’n 5-dag Camino staptog. Daarna geniet jy ’n welverdiende blaaskans en beleef Kroasië se kroonjuwele: Die historiese stede van Split, Trogir en Dubrovnik, die versameling eilande met spierwit strande en potblou seewater en die skouspelagtige teras-watervalle van Krka nasionale park.

MINI-CAMINO-ROETE
Marina, 'n kusdorpie buite Split tot Vodice

AFSTAND
80 km

TYDPERK
6 dae

KOM ONS STAP!

DAG 1
AANKOMS IN SPLIT & VERKEN DIE ANTIEKE STAD

Welkom op Kroasië se Dalmasiese kus! Die streek se hoofstad, Split, is ’n Unesco-erfenisstad met ’n unieke geskiedenis wat uit die Romeinse era dateer.

Vandag verken ons dié stad wat ontstaan het in en om die paleis van Diocletianus, die 51ste Romeinse keiser (284 tot 305 n.C.) voor ons aansit vir ons eerste smullekker aandete saam.

DAG 2
MARINA - ROGOZNICA

Afstand: 19 km
Tyd: 5 - 7 ure

’n Kort busrit neem jou na Marina, ’n kusdorpie noord van Split. Hier kry jy die eerste stempel in jou Camino paspoort en gee die eerste treë van jou pelgrimstog.

Vandag lei die roete jou eers langs plaaspaaie deur olyfboorde en dennewoude voor jy weer die kuslyn bereik en die laaste 5 km seelangs na jou eindbestemming stap. Onthou jou baaikostuum!

DAG 3
REGOZNICA - PRIMOŠTEN

Afstand: 14 km
Tyd: 4 - 6 ure

Vandag mik die roete weer binneland toe verby uitgestrekte olyfboorde met skitterende uitsigte van die kuslyn.

Jy sien die prentjiemooie kusdorp Primošten van ’n afstand af, en ook die standbeeld van die Maagd Maria van Loreto wat vanaf ’n heuwel waak hou oor die dorp. Die oudorp van Primošten, geleë op ’n skiereiland, is een van die Dalmasiese kus se mooiste tonele.

Op die tweede helfde van die roete draai jy weg van die see af en stap effe aan die binneland voor jy weer kus toe draai na jou bestemming vir die aand.

DAG 4
PRIMOŠTEN - GREBAŠTICA

Afstand: 14 km
Tyd: 4 - 5 ure

Vanoggend volg jy ’n voetpad al langs die kuslyn wat jou ewig noordwaarts lei van een baai na die volgende. Vandag is die potblou water van die Adriatiese see heelpad langs jou en dis die perfekte dag vir swem en piekniek hou op die strand.

Net buite jou volgende bestemming, Grebaštica, is ’n 15de-eeuse muur wat die skiereiland teen die magte van die Ottomane beskerm het.

DAG 5
GREBAŠTICA - ŠIBENIK

Afstand: 21 km
Tyd: 5 - 7 ure

Jou vierde stapdag van die Camino is die langste, maar wys jou weer ’n ander deel van die Dalmasiese landskap.

Die roete klim uit Grebaštica na die binneland en kort voor lank is jy op ’n voetpad in die natuur sonder ’n teerpad of gebou in sig.

Jy stap deur dennewoude en verby wingerde voor jy weer afsak na die stad van Šibenik. Hier kan jy gerus die Saint James Cathedral, ’n Unesco-erfenisgebou, besoek.

DAG 6
ŠIBENIK - VODICE

Afstand: 10 km
Tyd: 3 - 4 ure

Die laaste stapdag begin met ’n watertaxi wat jou oor die baai voor Šibenik vervoer na die kusdorpie van Jadrija. Op pad sien jy die seefort van St. Nicolas (ook met Unesco erfenis status) wat deur die Venesiërs in die 16de eeu gebou is.

Van Jadrija af het jy ’n luilekker stappie kuslangs na jou eindpunt. Dis die perfekte dag vir ontspan en piekniek langs die see!

DAG 9
TROGIR NA DUBROVNIK

Na ontbyt vertrek jy per bus na Dubrovnik. Die busrit volg die kuslyn suidwaarts - kyk uit vir die eilande Brač, Hvar en Korčula padlangs.

’n Merkwaardige 2,4 km-lange brug neem jou na die Pelješac-skiereiland, ’n wynstreek veral bekend vir uitstekende rooiwyn. Hier stop jy vir ’n wynproe.

Jy arriveer in Dubrovnik in die namiddag, betyds vir skemerkelkies!

DINGE OM IN GEDAGTE TE HOU

Ons maak jou Kroasië avontuur so gemaklik as moontlik. Al wat jy moet doen is opdaag!

HOE WERK DIT?

Die Camino deel van die toer is ’n slenterstap wat jy op jou eie pas stap terwyl jy die Dalmasiese kuslyn verken. In die tweede helfte van die toer besoek jy verdere hoogtepunte, per bus en boot, na die uiteindelike eindpunt in Dubrovnik. Jou bagasie word daagliks van een oornagplek na die volgende vervoer.

EK DRA DUS NIE MY HELE VAKANSIE SE BAGASIE ELKE DAG SAAM NIE?

Nee, jy stap slegs met ’n dagsak met ’n warm baadjie, jou waterbottel, swembroek en handdoek.

WAAR BEGIN ONS?

Die ontmoetingspunt is in die stad Split op Kroasië se Dalmasiese kus maar jou pelgrimstog begin in Marina, ’n kusdorpie buite die stad. Van hier af stap jy ’n skitterende kusroete wat jou na kusdorpe en -stede, deur olyfboorde en dennewoude en langs wit strande met helderblou water lei.

 HOE VER STAP EK?

Die Camino se totale stapafstand is sowat 80 km. Jy stap elke dag vir 6 dae en stap ’n daaglikse gemiddelde afstand van 16 km. Sommige dae is gemaklik en plat langs die see, ander dae klim en daal die roete.

 STAP ONS IN ’N GROEP?

’n Toerleier stap die hele roete saam, maar jy is nie verplig om in ’n groep te stap nie. Elkeen stap op sy eie pas. Die Camino is immers ’n pelgrimstog en dit is vir baie pelgrims belangrik om alleen tye te ervaar. Op die dae ná die Camino beweeg ons saam as ’n groep tussen bestemmings en aktiwiteite.

WAAR SLAAP EK?

Op hierdie toer slaap jy in hotelkamers met jou eie badkamer, nie in die tipiese Camino albergues (herberge of backpackers) met stapelbeddens en gedeelde badkamers nie. Jy hoef dus nie enige beddegoed of ’n handdoek saam te bring nie.

Wat is ingesluit in die toerprys?

• Alle verblyf in hotelle en B&Bs
• Alle ontbyt en aandetes
• ’n Toerleier wat die roete saam stap
• 'n Ondersteuningspan
• Daaglikse vervoer van jou bagasie
• Besoeke aan UNESCO-erfenisstede: Split, Trogir, Šibenik en Dubrovnik
• Besoek aan Krka-nasionale park
• ’n Bootrit tussen die eilande van die Adriatiese see
• Wynproe in Pelješac-wynstreek
• Sonsondergang-bootrit in Dubrovnik
• Alle bus, boot & watertaxi vervoer op toerdae
• Camino-paspoort en inligtingspakket
• Advies met jou visumaansoek en reisplanne

Wat is uitgesluit?

• Internasionale & plaaslike vlugte
• Vervoer vanuit Dubrovnik ná die toer Visumaansoeke (Suid-Afrikaners benodig ’n Schengen-visum)
• Middagetes en drankies
• Persoonlike aankope
• Persoonlike reis- en mediese versekering
• Fooitjies

VUL DIE AANLYNVORM IN OM JOU PLEK TE BESPREEK