Slim logistieke oplossings wat saam met jou onderneming groei
TFS bied betroubare vragversending-, koerier-, onmiddellik beskikbare- en logistieke dienste wat jou bedrywighede meer vaartbelyn maak en groei help versnel.
Is jy gereed om logistieke gerief op 'n nuwe vlak te ervaar?
Plaaslike gevoel, wêreldwye omvang
Só herdefinieer TFS logistiek in Afrika, een vrag op ’n slag
Elke produk wat op ’n rak beland, elke aanlyn bestelling wat afgelewer word, en elke handelsroete wat wêreldwyd beplan word, is afhanklik van die naatlose beweging van goedere. TFS het Suid-Afrika se mees omvattende tegnologie-gedrewe logistieke ekosisteem opgebou met die doel om wêreldklas- voorsieningskettings toeganklik te maak vir alle ondernemings.
TFS is gebore uit die Takealot Group se beproefde afleweringsinfrastruktuur – ’n netwerk wat miljoene suksesvolle aflewerings elke jaar dryf. Wat begin het as die ruggraat van Suid-Afrika se toonaangewende e-handelsmerk, het ontwikkel in ’n oop, skaalbare platform wat die breër sakegemeenskap dien.
Hoe ondernemings wen met die regte logistieke vennoot
Die verkoop en versending van goedere was nog nooit so grootskaals nie. Al hoe meer individue en ondernemings stroom na e-handel- en moderne kleinhandelplatforms, wat die aanlyn kleinhandelmark op koers plaas om teen die einde van 2025 sowat R130 miljard te bereik.*
Maar hierdie groei skep sy eie uitdagings. Verbruikers verwag 'n naatlose ervaring, van die oomblik wat hulle produkte ontdek tot wanneer dit by hul deur afgelewer word. Dit behels aspekte soos mobiele handel en vinniger versending of selfs aflewering op dieselfde dag. Om mededingend te bly, moet maatskappye hierdie verwagtinge oortref met geïntegreerde omni-kanaal-dienste, buigsame afleweringsopsies en kostedoeltreffende logistieke strategieë.
*(World Wide Worx Online Retail in South Africa-verslag)
"Die TFS se strategiese voordeel is dat ons wat eens eksklusiewe Takealot-infrastruktuur was, kon omskep in ’n oop, skaalbare platform wat enige onderneming in staat stel om wêreldklas-kliënte-diens te lewer terwyl hulle op hul kernaanbod bly fokus."
"Ons kliënte is op soek na tegnologie-gedrewe, geïntegreerde platforms wat skaalbare oplossings en begin-tot-einde logistieke bestuur moontlik maak.
Hulle benodig eenvoudiger in- en uitvoerprosesse, kundigheid met doeane-aangeleenthede, vinnige marktoegang, tevrede kliënte en kostedoeltreffendheid."
Jaco Els,
uitvoerende bestuurder van Takealot
Fulfilment Solutions
Hoe kies jy die regte logistieke vennoot?
Vragversending het met rasse skrede ontwikkel en dit benodig vars denke ten opsigte van strategie. Die fokus behoort nie net meer op optimalisering te wees nie, maar op die volledige integrasie van vragversending in jou sakemodel. Deur slim strategie en tegnologie te kombineer, kan maatskappye vinniger optree, beter beplan, en veerkragtiger word. Die eerste stap is om jou logistieke profiel duidelik te definieer - van produksoorte en versendingsroetes tot diensvereistes en begrotingsbeperkings. TFS help jou om hierdie prosesse te verfyn met die oog op 'n groter doel: om Afrika se eerste werklik geïntegreerde, koolstofneutrale, tegnologiegedrewe logistieke platform te bou wat die vasteland dien en Afrika se kundigheid wêreldwyd beskikbaar stel.
Ervaar die toekoms van aflewering met TFS
Logistieke dienste wat by jou behoeftes pas.
Wat TFS doen
Versending van vrag
TFS bestuur elke stap van die proses, van internasionale verkoperkoördinering tot finale aflewering.
Betroubare koerierdiens
Maak gebruik van hul betroubare koerieroplossings vir al jou afleweringsbehoeftes. Dit kombineer gerief, spoed en doeltreffendheid.
Dringende aflewerings
Besorg enigiets – van wegneemetes tot e-handelaankope en dringende produkte – namens groot en klein ondernemings aan klante.
Logistieke bestuur
TFS Supply Chain (voorheen bekend as M24 Logistics), bied omvattende ondersteuning, van internasionale verkryging tot laaste-myl-aflewering, met akkuraatheid en sorg in elke stap.
Built with Shorthand