Namibië
Beplan jou reis na ons buurland
Namibië het dalk van die minste mense per capita in die wêreld, maar hierdie buurland van ons is vol van die mooiste diverse landskappe wat jy in die wêreld sal vind. Lees gerus hier oor van hierdie interessante plekke.
Visrivier-canyon
In die suide van ons buurland, is een van Namibië se grootste (letterlik en figuurlik) toeristebestemmings, die Visrivier-canyon. Ons het met Marlene Orffer gesels oor dié gebied waar sy gereeld die voorreg kry om te werk.
Sossusvlei
’n Helikopterrit is die perfekte geleentheid vir amateurfotograwe om die ongerepte prag van Sossusvlei op kamera vas te lê, skryf Adele Myburgh.
Kus
“Elke man moet soms langs die see gaan staan en tot sy sinne kom,” sing Elvis Blue oor Swakopmund. Marietjie Naudé-Roux vertel waarom haar tuisdorp die inspirasie hiervoor is.
Namibië se hawedorp Walvisbaai het die afgelope paar jaar aansienlik gegroei. Walvisbaaier Nicolette Jacobie vertel hoekom jy hier ’n draai moet kom gooi wanneer jy in die land is.
Boere-Bahamas. Namibië se aftreeoord. Vissermansparadys. Dit maak nie saak wie jy vra nie, almal gaan weet jy verwys na Hentiesbaai, skryf Namibiër Yolanda Nel.
GEBORG
Kristall Galerie
Die Kristall Galerie is die tuiste van die wêreld se grootste kwarts-kristalkluster wat uitgestal word. Hierdie asemrowende natuurwonder word geskat om ongeveer 520 miljoen jaar oud te wees. Dit is in Augustus 1985 ontdek op ’n plaas in die Erongo-streek van Namibië.
Benewens hierdie buitengewone uitstalling, bied die Kristall Galerie unieke handgemaakte juweliersware aan wat ’n verskeidenheid van Namibiese edelstene vertoon, asook ’n “scratch-patch” en ’n indrukwekkende Kristaltonnel-ervaring.
Hierdie virtuele ervaring neem jou deur die kristaltonnel en gee jou ’n voorsmakie van hierdie plaaslike aantrekkingskrag wat wag om ontdek te word wanneer jy Swakopmund aan Namibië se weskus besoek.
Beach Lodge
Die naam sê alles. Die vars seebries en kalmerende geluide van die Atlantiese Oseaan snags sal enige besoeker se reis in ’n droomvakansie omtower. Die Beach Lodge sit reg op die strand in ’n pragtige woonbuurt sowat 5 km van Swakopmund se dorpskern af. Kies tussen hul twee gesinskamers, nege dubbelkamers en sewe luukse kamers. Daar is geskikte verblyf vir individuele reisigers, gesinne en sakereisigers. Hierdie is een van die min plekke in die woestyn waar jy die sagte groen gras onder jou voete kan geniet en ’n paar meter verder, die sand tussen jou tone. Kamers op die boonste verdieping het balkonne met ’n lieflike uitsig.
Namport
Die hawe van Walvisbaai is halfpad af langs Namibië se kuslyn geleë en bied ’n maklike en vinnige skeepsroete tussen Suider-Afrika, Europa, die Verre-Ooste en die Amerikas. Dit is Namibië se grootste kommersiële hawe en hanteer sowat 6,6 miljoen ton vrag per jaar.
Dit hanteer houer-invoere, -uitvoere en -oorlaai, sowel as grootmaat- en stukvrag-volumes van verskeie kommoditeite. Dit spog met ’n houer-deurvoerkapasiteit van 750 000 TEUs en kan 10 miljoen ton vloeibare grootmaatvrag en 10 miljoen ton droë en stukvrag per jaar hanteer.
Dit het 13 kommersiële ankerplekke, waaronder ’n olieboot-aanlegsteier en ’n ankerplek vir passasierskepe en plesierbote.
Die hawe van Lüderitz is sowat 406 km suid van Walvisbaai se hawe. Dié hawe hanteer hoofsaaklik droë grootmaatvrag vanuit suidelike Namibië en Suid-Afrika se Noord-Kaap-provinsie.
Dit word as ’n vlak hawe beskou en is op rotsgrond gevestig, wat dit finansieel onhaalbaar maak om dit dieper te maak. Tog is daar planne om die kaaimuur binnekort te verleng om in die korttermynvraag te voldoen.
Sowel Walvisbaai as Lüderitz het aansienlik belê in die modernisering van hul hawegeriewe om die toenemende getal passasierskepe toe te laat.
Besoek namport.com.na vir meer inligting.
Tommy’s Living Desert Tours
Kom beleef saam met Tommy’s Tours & Safaris die klein diertjies van die woestyn! Die Namibwoestyn blyk kaal en leeg te wees, maar dit is glad nie die geval nie. Daar is vele interessante wesentjies wat dit bewoon. Saam met hul opgeleide gidse kan jy spoorsny en meer leer oor diertjies soos die baie interessante en pragtige Palmato-geitjie. Kyk of jy die oë van Peringuey se adder kan onderskei van die sandkorrels, en vind uit hoe lank die Namakwa-verkleurmannetjie se tong nou eintlik is. Die toer word afgesluit met ’n opwindende rit deur die pragtige Namibiese duine en ’n beeldskone uitsig oor die Atlantiese Oseaan.
Bespreek vandag nog jou plek om teleurstelling te voorkom. Skakel gerus +264 81 128 1038 of stuur e-pos na info@livingdeserttours.com.na.
Windhoek
Niemand ken Windhoek soos ’n Windhoeker wat daar woon en werk nie. Gerine Hoff vertel meer oor haar tuisdorp(stad?) en hoe besoekers die meeste uit hul besoek kan put.
GEBORG
Chameleon Safaris
Waar die woestyn fluister, die wild brul en die tyd stilstaan.
“ ’n Simfonie van woestyn en wild - ervaar Namibië se siel in een ongelooflike reis van ses dae.”
Van wild-ryke pleine tot eeuoue woestyne, vang Chameleon Safaris se 6-Dag Duine- & Wild-safari Namibië se mees asemrowende landskappe en biodiversiteit vas in een epiese avontuur. Dit is die perfekte toer vir avonturiers, fotograwe en nuuskieriges wat die hart van Namibië wil sien en ervaar.
Bespreek jou Namibiese avontuur vandag en ontdek Namibië se "Beste van die Beste" saam met Chameleon Safaris!
Besoek www.chameleonsafaris.com of skakel +264 81 889 9452.
Livestock and Livestock Products Board of Namibia
Namibiese rooivleis word natuurlik geproduseer, daarom is dit so smaaklik en sag!
Die Farm Assured Namibian Meat Scheme (FAN Meat) se doel is om aan internasionale kopers die versekering te gee dat Namibiese uitvoervleis veilig, gesond en van goeie gehalte is en dat die oorsprong daarvan naspeurbaar is.
Namibië se primagehaltevleis word regdeur die waardeketting volgens die hoogste gehalte- en veiligheidstandaarde deur die Livestock and Livestock Products Board of Namibia beheer en gewaarborg.
Namibiese Toerismeraad
Soos reis-entoesiaste regoor die wêreld na hul volgende groot avontuur begin soek, word jy herinner aan die asemrowende uitgestrekte landskappe van Namibië, waar die sterre helder skyn en die naghemel ’n doek van eindelose moontlikhede bied.
Namibië is die ideale bestemming vir dié wat op soek is na ’n rustige toevlug, kulturele erfenis en ’n atmosfeer van rustigheid.
Of jy nou die majestueuse duine van Sossusvlei verken, die antieke rotskuns van Twyfelfontein bewonder, of net die goue lig van ’n pragtige sonsondergang koester, sal Namibië se unieke kombinasie van ruimte, stilte en tyd jou verfris en vernuwe.
Die Namibiese Toerismeraad (NTB) en ander belanghebbendes in die Namibiese toerismebedryf speel ’n sleutelrol in die bevordering van die land se unieke ervaringe, kulturele erfenis en natuurskoon.
Die NTB nooi jou uit om Namibië se unieke kombinasie van ruimte, kalmte en tyd te beleef, om die land se wonderlike besienswaardighede te ontdek en weer in verbinding te tree met die natuur, ver weg van die afleidings van tegnologie.
Vir meer inligting besoek visitnamibia.com.na.
Interkaap
Interkaap is die toonaangewende vervoeroperateur van keuse wanneer jy tussen stede wil reis, met ’n uitgebreide netwerk van roetes binne Namibië en omliggende lande. Of dit nou vir vakansie, besigheid of ontspanning is, Interkaap kan jou veilig vanaf die kus tot in die noorde verbind, terwyl jy die bestuur in hul bekwame hande laat.
Hulle bied verskeie vervoeropsies:
Sleepliner-diens bied passasiers die luukse van premiumklas teen bekostigbare pryse.
Interkaap Mainliner bied moeiteloos ’n uitgebreide netwerk van stede en groot dorpe dwarsdeur Suider-Afrika.
Die Inter-Connect-vloot bestaan uit Toyota Coasters. Hierdie midi-busse oorskry die grootte van pendeldiensvoertuie en konvensionele minibus-taxi’s.
Interkaap Charters is die voorste keuse wanneer dit kom by jou toerbusoperateur-behoeftes.
Vir meer inligting, besoek Interkaap se webwerf by www.intercape.co.za, skakel hulle gerus by 081 950 2100 of laai die app af om jou kaartjie te bespreek uit die gerief van jou eie huis.
O&L Leisure
Namibië deur O&L Leisure se oë nooi SAOG-reisigers om die land se uiteenlopende skoonheid teen uitsonderlike tariewe te ervaar by O&L Leisure-eiendomme. Van die wildryke vlaktes van Etosha Nasionale Park waar olifante en leeus vry rondloop, tot die onontginde welige Eden van die Zambezi-streek wat wemel van diere en eksotiese voëls.
Ontdek die bergparadys van Otjihavera net buite Windhoek of verdiep jou in Swakopmund se eiesoortige Duitse kusbekoring en ’n wye reeks avontuur en sport. Elke O&L Leisure-eiendom bied 'n geleentheid vir eg Namibiese ervarings.
Hulle glo daarin om Namibië se uitgestrekte landskappe, pragtige natuurlewe en hartlike gasvryheid ten toon te stel op maniere wat eg en onvergeetlik is. Hul eksklusiewe SAOG-tariewe maak dit die perfekte tyd om die land se verskeie wonders te verken deur verblyf wat die ware gees van Namibië uitbeeld.
Vir meer besoek hul webtuiste.
Damaraland
Die ongenaakbaarheid van Damaraland in die noordweste van Namibië maak dat dit die ongelooflikste plante het. Chris Bedeker vertel meer oor die oupa van alle kameeldoringbome.
Etosha
Jan Oelofse was ’n plaasseun van Namibië met ’n interessante storie. Wyle Eben Human het meer vertel oor hierdie dieretemmer en natuurliefhebber en hoe hy by Etosha inskakel.
GEBORG
Taleni Africa
Ontdek Namibië se hoogtepunte met die topgehalte-verblyf waarvoor Taleni Africa bekend is!
Verken die wêreldbekende Sossusvlei, Dooievlei en Sesriem-canyon vanuit die gemak van privaat kampeerplekke by Sossus Oasis, selfsorgeenhede by Desert Camp of Desert Quiver Camp, of bederf jouself met ’n bietjie luuksheid by die Sossusvlei Lodge waar jy ook aan heerlike buffetetes kan smul.
Naby Etosha Nasionale Park se Okaukuejo-hek bied die Etosha Handelshuis gerieflike stopplek vir brandstof, ligte etes en kampering met privaat geriewe. Vir nog meer gemak is Etosha Village geleë in ’n rustige mopaniewoud, ideaal vir ontspanning ná ’n opwindende dag van wildkyk in die park.
Vir meer inligting klik hier vir hul webtuiste. Vir navrae of besprekings, skakel 021 930 4564 of stuur e-pos na besprekings@taleni-africa.com.
Kaokoland
Om meer as 8 000 km in 22 dae af te lê met ses mense in één motor (waarvan drie kinders van 10 jaar en jonger) is nie baie mense se idee van pret nie. Maar ’n diep begeerte om die noorde van Namibië self te beleef, het Mari Zeelie oortuig om die tog na Kaokoland aan te pak.
Nadat een item van haar emmerskoplysie – die Epupa-valle – afgemerk is, ontdek Mari Zeelie nog ’n item om by dié lysie te voeg en handel dié ook toe sommer af.
Caprivi
Nadat Kersfees op die oewer van die Okavangorivier gevier is, ry die Kapenaar Marí Zeelie en haar gesin deur die Bwabwata Nasionale Park na die grootste dorp in die Caprivistreek, Katima Mulilo.
Ná drie dae by die Namwi-eilandkamp langs die Zambezirivier in die Caprivi en ’n vinnige twee dae in Botswana se Chobe-reservaat, begin ons einde Desember die terugtog – hierdie keer langs die suidelike deel van die Caprivistrook, vertel Mari Zeelie.
GEBORG
Ngepi Camp
Ngepi Camp het meer as 30 jaar gelede ontstaan in Namibië se Caprivi-strook met die doel om mense met die natuur te verbind. Aangedryf deur sonkrag en ’n waterraad, is dit volledig onafhanklik van die krag- en waternetwerk, met volhoubaarheid as kernfokus.
Kom kamp op die rivierfront-persele of kies tussen 14 pragtige boomhuisies, insluitend “The Swirl,” met asemrowende uitsigte.
Geniet legendariese sonsondergang-bootritte, visvanguitstappies, mokoro-avonture en wildritte.
By Ngepi kan jy avontuur balanseer met ontspanning, omgewingsvriendelike etes, en unieke verrassings soos die krokodil-swembad. Dis enige ware natuur-entoesias se paradys!
Volg dié wenke
Dis naby in wêreldterme, maar steeds ver in fisieke afstand. Moet dus nie die fout maak om te dink jy kan sommer net Namibië binnery en aangaan asof jy nog in jou eie land is nie. Mari Zeelie deel die waardevolle lesse wat sy na ’n onlangse Namibiese toer geleer het.
Uitleg: Lizelle van Jaarsveld
Subredakteur: Adele Myburgh
Bedryfsredakteur: Mari Zeelie
Grafiese ontwerper: Rakin Baatjies
Assistent-redakteur: Projekte + Platformontwikkeling: Maryke Cumpsty
Built with Shorthand