Blomme
Jou gids vir ’n toer deur
Suid-Afrika se blomstreke
Gou spring – die blomme loer al uit
Die besonderse reënval vanjaar beloof ’n uitstekende blomseisoen, meen kenners uit die verskillende blomstreke. Hulle gee wenke oor wanneer en waar jy kan verwag om watter blomme te siene.
Kan jy glo dit is alweer tyd om jou blommetoer te beplan? En as jy ’n kranige blomkyker is, wag daar vanjaar ’n ware skouspel, sê die kenners.
Die Swartland, die Weskus-skiereiland, die Bergrivier, die Cederberg en die Namaqua-Weskus is die Kaap se vyf blomstreke. Uit al die streke kry ons vanjaar dieselfde boodskap: Daar het heelwat reën geval, en dit gaan dus dalk ’n langer blomtyd wees.
’n Lesersfoto van madeliefies in Langebaan. Hierdie foto was een van die inskrywings in Blomme se fotokompetisie. Foto: Patsy Wagener
’n Lesersfoto van madeliefies in Langebaan. Hierdie foto was een van die inskrywings in Blomme se fotokompetisie. Foto: Patsy Wagener
’n Tapyt van blomme in die Biedouwvallei. Hierdie foto was vanjaar een van die inskrywings vir Blomme se fotokompetisie. Foto: JJ Olivier
’n Tapyt van blomme in die Biedouwvallei. Hierdie foto was vanjaar een van die inskrywings vir Blomme se fotokompetisie. Foto: JJ Olivier
Hele streek
Weskus Toerisme
Elke jaar tussen Augustus en September verander die Weskus in ’n tapyt van kleur wanneer duisende veldblomme blom.
Van Darling tot Namakwaland is hierdie tyd van die jaar ’n hoogtepunt vir plaaslike inwoners en toeriste. Maar die blomseisoen is meer as net mooi gesigte – dit is ’n geleentheid om die streek se unieke aktiwiteite en besienswaardighede ten volle te ervaar.
Een van die opwindendste bykomende aktiwiteite is Sandveld Safari’s in Lambertsbaai. Hierdie sand-platorand bied aan besoekers die kans vir 4x4-sandry, sandplankry en selfs staptoere, met asemrowende uitsigte oor die Atlantiese Oseaan. Dis ’n avontuur wat perfek by die natuurlike prag van die blomtyd pas.
Ander aktiwiteite sluit in wyn- en bierproe, voëlkyk in die verborge vleilande van die Bergrivier, en die verkenning van kunsroetes en historiese dorpies soos Nieuwoudtville en Clanwilliam.
Vir gesinne is daar begeleide toere, kosmarkte, en plaaservarings oor die streek heen.
Die Weskus se blomseisoen is dus veel meer as net ’n visuele fees – dis ’n volle kultuur- en avontuurervaring wat jou uitnooi om langer te bly, meer te verken en weer terug te keer.
Kontak Weskus Toerisme per e-pos by tourism@wcdm.co.za en die Weskus-blomlyn is
063 639 3532.
CapeNature
CapeNature nooi die publiek uit om van Augustus tot Oktober die asemrowende blomseisoen by die Rocherpan-natuurreservaat en nabygeleë Voëleiland te beleef. Dit is wanneer die Weskus in 'n see van kleur verander soos veldblomme die landskap bedek – ’n toneel wat natuurliefhebbers, fotograwe en gesinne jaarliks van wyd en syd lok.
Besoekers kan voël- en walviskyk, skilderagtige staproetes verken en piekniek hou – alles vanuit die gemak van Rocherpan se selfonderhoudende, sonkrag-aangedrewe eko-hutte. Geniet privaat toegang tot die strand, ’n swembad, kindervriendelike aktiwiteite en ononderbroke uitsigte oor die kuslyn.
Voëleiland bied die seldsame geleentheid om unieke seevoëlkolonies en uiteenlopende seelewe van naby te aanskou.
Vir besprekings en meer inligting, klik hier
of skakel 087 087 9262.
#CapeNatureBlomseisoen
Swartland
Swartland Toerisme
Dit is nog winter in die Swartland, maar daar heers die afgelope paar weke ’n amper kinderlike opgewondenheid. Die veld is besig om homself voor te berei vir seker die mooiste seisoen in die jaar: lente!
Die wingerde slaap nog, maar orals is daar tekens van lente wat om die draai is: veldblommetjies sien jy orals, die koringlande is welig en mooi groen, die kanola-lande begin hul geel wys en die dae begin langer word. Lente is ook die tyd wanneer die Swartland een van sy gewildste feeste aanbied. Kom sluit by hulle aan op 27 en 28 September in Riebeek-Kasteel, wanneer hulle die Swartland-olyffees weer laat herleef.
Die Swartland is ’n plek waar nuwe kennisse sommer familie word!
Kontak Swartland Toerisme by 022 487 1133 en info@swartlandtourism.co.za.
Swartland Wyn- en Olyfroete
Die afgelope jare het die Swartland – so genoem vanweë die inheemse donker renosterbos – ’n merkwaardige transformasie beleef. Die streek was eens as die broodmandjie van die Kaap bekend, maar het ontwikkel tot ’n gewilde wyn- en olyfbestemming net ’n uur noord van Kaapstad.
Die streek spog met ’n diversiteit van terroirs en grondsoorte – graniet, leisteen en klei – wat bydra tot die unieke geure van chenin blanc, shiraz, grenache en ander wyndruifkultivars wat in dié geweste geproduseer word.
Die streek is gerieflik geleë naby die Kaapse Weskus en blomroetes, en besoekers kan nie net wyn nie, maar ook olywe en avontuur- en kultuuraktiwiteite geniet. Die streek bied ’n onopgesmukte, egte ervaring, van kunsgalerye tot fiets- en staproetes, sowel as gasvrye proelokale.
Die Swartland Street Party 2025 vind vanjaar op Saterdag 1 November plaas. Besoek swartlandwineandolives.co.za of skakel 071 893 7983 vir meer besonderhede oor die streek se gebeure en produsente.
Moorrees Deli
Moorrees Deli is ’n familie-bakkery en -eetplek in die hartjie van die Swartland. Hulle bak suurdeegprodukte van die hoogste gehalte deur tradisionele metodes te gebruik, en gebruik slegs vier bestanddele: klipgemaalde meel, water, Khoisan-seesout en Bertha (hul suurdeegplantjie).
Teen R800 per persoon kan jy op sekere Saterdagoggende die kuns leer van suurdeegbrood bak. Kontak hulle vir beskikbare datums.
Hulle nooi jou ook uit om by die Stoneground & Sourdough-klub aan te sluit. Wanneer jy ’n lid word, kry jy elke maand die ware geure van natuurlik verboude, klipgemaalde meel.
Hulle het ’n restaurant, asook twee verblyfopsies om van te kies. Moorrees Deli is oop elke Dinsdag tot Donderdag van 08:00 tot 16:00, Vrydag van 08:00 tot 18:00 en Saterdag van 08:00 tot 14:00.
Vir meer inligting, besoek moorrees.co.za, stuur e-pos na info@moorrees.co.za of skakel 082 622 7321.
Darling-veldblomskou
Waarom Darling toe ry vir nog ’n skou? Jy kan op baie ander plekke ook wyn proe, lekker eet en kunswerke geniet, maar hier op Darling is iets wat jy nêrens anders gaan kry nie. Die skou vind van 19 tot 21 September by die Darling-sportklub plaas.
Tussen die koringlande en wingerde lê die kern van die Swartlandse Renosterveld. Hier kry jy klein stukkies grond wat nog ongerep is. Dit is die tuiste van veldblomme wat net hier voorkom en waarvan sommiges hoogs bedreigd is.
Jy ontdek dalk iets hier wat jou laat verlief raak op die omgewing sodat jy deel word van die span wat hierdie skat vir die nageslag moet bewaar.
Vir meer inligting oor die veldblomskou, besoek darlingwildflowers.co.za.
Bergrivier
Bergrivier Toerisme
Elke lente blaas die Sandveld se blommeprag met sy reënboogkleure nuwe lewe in die Bergrivier-streek. Dit is meer as net 'n visuele fees – dit is 'n reis na ryk kultuurerfenis. Van Augustus tot September word die gebied 'n blomparadys. In stil plekke soos Aurora floreer veldblomme langs die NG Kerk en grondpaaie. Daar is ook die geleentheid om 'n blik op die geskiedenis van die sterrekunde te kry.
Redelinghuys trek besoekers met kuns, argitektuur en sy unieke historiese Diepkloof-rotsskuiling. Elandsbaai, aan die kus, kombineer blomlandskappe met seekos en avontuur, waar besoekers die Verlorenvlei-riviermond en 4x4-roetes kan verken.
Hierdie streek vermeng natuur en kultuur perfek, met geheime skatte vir diegene wat stadiger reis en hulself in die verhaal van die Sandveld verdiep. Die Bergrivier-blomseisoen skep onvergeetlike herinneringe en nooi reisigers om sy skoonheid en gasvryheid te beleef.
Besoek gerus bergriviertourism.co.za
om jou avontuur te begin.
Dwarskersbos-
strandoord
Hierdie strandoord is in Dwarskersbos, sowat 11 km noord van Velddrif langs die Weskus.
Die Dwarskersbos-strandoord bied 'n eenvoudige, gesinsvriendelike strandervaring met verskeie verblyfopsies en geriewe wat spesiaal aangepas is vir kampeerders en vakansiegangers wat die Weskus-leefstyl wil beleef.
Bel 022 784 0110 of 083 272 4132 of stuur epos na dwarskersbos@bergmun.org.za.
Stywelyne-
strandoord
Die Stywelyne-strandoord is in Velddrif aan die Weskus, net 140km se ry van Kaapstad, geleë.
Dié oord bied selfsorg-eenhede asook karavaan- en kampeerstaanplekke langs die see teen mededingende tariewe.
Hier kan jy hengel, kreefduik en selfs diepseevisvang. Daar is ook ’n veilige speelparkie vir kinders om te geniet, asook twee swembaddens as die Weskus-see vir jou te koud is.
Die chalets is gemeubileer en het twee slaapkamers, ’n sitkamer, eetkamer, badkamer en kombuisie. Daar is alles wat jy nodig het in die kombuis, soos ’n yskas, ketel, stoof, eetgerei en breekware. Die badkamer het ’n toilet, stort en wasbak.
Alle chalets word omring deur pragtige grasperke en daar is ’n privaat stoep en braaigeriewe.
Bel 022 783 0408 of 083 272 3852 of stuur e-pos na stywelyne@bergmun.org.za.
Weskus-skiereiland
Simply Bee
Simply Bee is trots op hul heilsame skoonheidsprodukte soos die natuur dit bedoel het.
Alle Simply Bee-produkte word liefdevol met die hand gemaak en bevat 100% rou fynbosheuning, byewas en propolis, gemeng met plaaslik vervaardigde essensiële olies. Simply Bee-produkte is omgewingsvriendelik.
Moenie Simply Bee se daaglikse byepraatjie by die Hopefield Fynbosskou van 28 tot 31 Augustus misloop nie. Besoek gerus hul stalletjie vir egte Weskus-fynbosheuning en byewas-en-heuning-velsorgprodukte.
Besoek hul winkel by Kerkstraat 31A, Hopefield. Bel 022 723 0569, stuur e-pos na info@simplybee.co.za of besoek simplybee.co.za.
Volg hulle ook op Facebook en Instagram: @simplybeesa.
Hopefield Fynbosskou
Die Hopefield Fynbosskou vind van 28 tot 31 Augustus 2025 by die Hopefield-sportklub plaas. Hierdie viering van die Weskus se natuurskoon bied ’n uitstalling van honderde fynbosspesies uit die Sandveld, Renosterveld en Rietveld. Plantkundiges Gideon Melck en Nicola Viljoen deel hul kennis, terwyl Simply Bee byebestuiwing demonstreer.
Besoekers kan musiekoptredes geniet met Johan Liebenberg, Jennifer Zamudio en kerkorrelkonserte. Vir kinders is daar gesigverf, springkastele en speletjies.
Die kosaanbiedings sluit plaasgeregte en heuningprodukte in, terwyl die Mnr. & Mej. Fynbos-kompetisie plaaslike talent vertoon.
Die fees bied nie net kennis oor fynbos nie, maar ook die hartlike gasvryheid waarvoor die Weskus bekend is – ’n onvergeetlike ervaring vir die hele gesin.
Gaan na hopefieldfynbos.co.za vir meer.
Cederberg
Piekenierskloof Mountain Resort
Dié oord is bo-op die Piekenierskloofpas geleë, met ’n uitsig oor Citrusdal en die Cederberg. Die Piekenierskloof-bergoord is modern toegerus en bied uitstekende konferensiegeriewe, asook ’n verskeidenheid van verblyfopsies, van privaat hotelsuites tot selfsorg-chalets vir tot ses mense. Verwag ware plattelandse gasvryheid en liplekker-kookkuns by Kloof Restaurant. Die restaurant is elke dag van die jaar oop van 07:00 tot 21:00 of 22:00. Hulle bied ook ’n venue vir konferensies, jaareindgesellighede en troues vir tot 120 gaste.
Gaan geniet die talle nuwe aktiwiteite soos die boogskietbaan, ’n boogskiet- ekspedisie met ses sintetiese diere as teikens, frisbee-gholf met nege putjies, 4x4-afstandbeheerkarretjies, en jy kan selfs ’n kleipot verf waarin daar ’n Piekenierskloof-spekboomplantjie is. Daar is ook ’n klimraam, trampoliens en ’n reuse-skaakstel op die speelgrond. ’n Potspeltafel en tafeltennis in die speletjieskamer sorg ook vir heerlike gesinsvermaak.
Volwassenes kan in die volledig toegeruste kroeg, binnenshuise verhitte swembad en privaat spa ontspan. Jou verblyf is die poort tot die Cederberg en omliggende blomstreke.
Vir navrae, kontak 022 921 3574 of pkinfo@dreamresorts.co.za.
AfriCamps in die Cederberge
Dis tyd vir jou jaarlikse lenteblom-wegbreek in die Cederberge! AfriCamps by De Pakhuys, buite Clanwilliam, bied boetiek-tentverblyf sodat jy die blommeseisoen in gemak kan geniet.
Elkeen van die 10 AfriCamps- tente spog met houtgestookte buitewarmbaddens, lugversorging, ’n kaggel binne, elektriese komberse, ’n toegeruste kombuis, privaat badkamer, twee slaapkamers, en pragtige uitsigte oor die Pakhuisberge.
Die omgewing is verder bekend vir staproetes en rotskuns. Moenie die plaas se eie staproete na die Brandewynrivier en die waterval misloop nie.
AfriCamps Boutique Glamping bied 19 gesinsvriendelike glanskampeerplekke landwyd, waar verskeie eg Suid Afrikaanse ervarings op jou wag, van die Kaapse Wynlande en Tuinroete, tot safari's in die Bosveld.
Besoek africamps.com en bespreek vandag nog!
Spaar 15% met Die Burger se eksklusiewe promosiekode! Bepalings en voorwaardes geld. Bespreek by enige AfriCamps-ligging teen 11 Desember 2025, en spaar 15%! Besoek africamps.com en voer die kode 'DieBurger15' in wanneer jy bespreek.
Velskoendraai
’n Bekoorlike mengsel van plaasmark, teewinkel, wynwinkel, restaurant – en soveel meer!
Die padstal se tradisionele geregte – soos bobotie, afval en waterblommetjiebredie – herroep daardie heerlike nostalgiese herinneringe aan jou ouma se kombuis. Hier is ’n wye verskeidenheid plaaslike produkte, van vars plaasvrugte en -groente tot tuisgebakte brood, konfyt, lekkers, gedroogte vrugte, houtspeelgoed en ’n groot verskeidenheid rooibosprodukte – alles onder één dak.
En dis nog nie al nie: kom proe of koop rooibostee, wyn, vlytbier of jenewer.
Of jy nou op soek is na die perfekte geskenk, lus is vir egte boerekos, of ’n gesinsuitstappie beplan – Velskoendraai-plaasstal is die plek om te stop.
Die kleinspan sal dol wees oor die speelplek, wat jou kans gee om lekker te ontspan en die ervaring te geniet.
Hier word gestreef na gehalte, vriendelikheid, en ’n oorvloed verskeidenheid.
Maak gerus ’n draai – jy sal nie teleurgesteld wees nie!
Maandag – Saterdag: 08:00 – 17:00 | Sondag: 10:00 – 15:00
📞 083 460 3773 | 066 205 2382
📧 info@velskoendraai.co.za
🌐 velskoendraai.co.za
Carmién-tee/De Tol Padstal
Skop jou blommekyk-reis af by De Tol Padstal, ook bekend as die poort na die rooibos-streek, en die tuiste van die Carmién-teewinkel. Ervaar uitsonderlike tee, kos en wyn- of Carmién-jenewer-parings met jou eie tee. Probeer ook hul vonkelende rooibos-ystees en die nuutste rooibos-mengsels soos Gut, Brain en Boost.
Bring die hele gesin vir lekker koffie, koel drankies, ligte etes en opwindende aktiwiteite vir kinders – troeteldiere is ook welkom!
Vind die De Tol Padstal bo-op die Piekenierskloofpas, op die N7 op pad na Citrusdal. Die Carmién-teereekse is ook beskikbaar by bekende kleinhandelaars soos Dis-Chem, asook op carmientea.co.za.
Clanwilliam-veldblomskou
Dit het reeds dié winter lekker gereën in die Biedouw- en Olifantsriviervalleie en al die tekens is daar dat dit ’n mooi blomjaar gaan wees. Die perdebosse, skilpadbessiebosse en surings sit al hul beste voetjie voor in die kontrei.
Elke jaar, tydens die beplanningsfase van die veldblomskou, sit die komiteelede koppe bymekaar om die storie van die nuwe begin van die lente te probeer “vertel” onder die koepeldak van die Blomkerk. En elke blomjaar is ’n herinnering aan die natuur se brose meesterstukke wat in ’n oogwink kan verdwyn.
Ná die beplanning word die Blomkerk in ’n lewende gallery van aalwyne, handjies, viooltjies en baie meer omskep.
Die Clanwilliam-veldblomskou vind vanjaar plaas vanaf 29 Augustus tot 7 September in die Blomkerk, en die tema is “bedreigd”.
Maak ook ’n draai by die Ou Tronk-museum waar daar ’n spesiale kwiltuitstalling te sien sal wees.
Dié uitstalling en die museum is Maandae tot Vrydae van 08:30 tot 16:30 en op Saterdae tot 12:00 oop.
Gedurende die veldblomskou sal hulle oor naweke op Saterdae oop wees tot 16:30 en op Sondae tot 13:00. Toegang beloop R50 per persoon.
House of Rooibos
Vier die kleure en geure van die blomme met ’n besoek aan House of Rooibos, die ideale tussenpose tydens jou blommereis deur die Cederbergstreek. Hierdie bekroonde inligtingsentrum en winkel in die hart van Clanwilliam – die geboorteplek van rooibos – bied ’n unieke ervaring vir oud en jonk.
Proe verskeie soorte rooibos en ontdek hoe hierdie ikoniese Suid-Afrikaanse plant al vir geslagte lank mense gesond hou. Leer meer oor die geskiedenis, produksie en gesondheidsvoordele van rooibos. Die gesellige winkel is propvol uitsonderlike rooibos-produkte – van tradisionele en gegeurde tees tot velprodukte, geskenkpakke en lekkernye wat jy nêrens anders gaan kry nie. Dit is die perfekte plek om iets besonders saam huis toe te neem. Of jy nou ’n natuur- of teeliefhebber is, of net op soek is na ’n sonderlinge kuierplek, House of Rooibos beloof ’n hartlike ervaring te wees wat jou blommereis net nog meer besonders gaan maak. Kom geniet die geure, stories en sjarme van rooibos soos nog nooit tevore nie!
Namaqua-Weskus Toerisme
Die blomkykseisoen is ’n avontuur op sy eie. Die Namaqua-Weskus bied van heerlike Weskus-kos en
-wyn tot asemrowende natuurskoon. Daar’s weliswaar iets vir almal! ’n Ontdekkingstog van buitelugaktiwiteite, eetplekke en besienswaardighede sal jou besoek onvergeetlik maak en jou oorreed om weer en weer terug te keer.
Verken die Olifantsrivier-monding by Papendorp op ’n roeiplank, pak die Viswater-roete op jou bergfiets aan, of slaan voet tot by die Wandering Whale-labirint. Jy kan ook die versteekte paaie by Gifberg, Knersvlakte, Bossiesee en Hardeveld per voet, fiets of 4x4 gaan verspied.
Geniet ‘n unieke proe- en pas-ervaring al langs die Weskus-wynroete, wat van Klawer tot Doringbaai strek.
Besoek visitnwc.com vir meer inligting.
Lutzville Wingerde
Die Weskus sal áltyd skaamteloos betower – helder lug en skoon blou waters stel nooit teleur nie, ongeag die seisoen. Hierdie sielsverrykende natuurskoon duur voort wanneer mens noordwaarts beweeg en die Namakwaland betree.
Die prentjiemooi landskappe van Namakwa-blomme lewer jaarliks ’n fabelagtige skouspel. Lutzville Wingerde lê langs die Olifantsrivier, te midde van veldblomtapyte in die blomseisoen.
Dié kelder produseer jaarliks ’n kaleidoskoop van wyne. Vele wynproeërs is al deur hul kenmerkende sauvignon blanc beïndruk, terwyl die rooiwyne verwagtinge oortref.
Die proelokaal en restaurant by Lutzville Wingerde bied die ideale blaaskans wanneer jy jou blommekyk-avontuur geniet. Verlustig jou hierdie jaar in die beeldskone blomseisoen van die Namaqua-Weskus en neem ’n bietjie daarvan saam met jou in die vorm van ’n bottel Lutzville-wyn.
Klawer-wynkelder
Die Klawer-wynkelder dien as die toegangspoort tot die Olifantsriviervallei. Dit is geleë slegs 2 km vanaf die dorp Klawer en gerieflik langs die N7.
Gaste van oral word genooi om voortreflike wyne te proe en te ontspan op die pragtige grasperk.
Klawer-wynkelder is veral gewild gedurende die blomseisoen en is daarom gretig om saam te werk met reisagentskappe of individue wat wynkelders wil besoek. Klawer bied 'n diverse verskeidenheid wyne, insluitend volronde rooiwyne, vars witwyne, en unieke soetwyne, soos die bekende rooibos-verweefde soetwyn, African Vermouth.
Gaste kan smul aan ‘n verskeidenheid kombinasies van wyn en kos, plaaslike geskenke koop en meer leer oor die kelder se passie vir wynmaak. Besoek gerus klawerwine.co.za vir meer inligting of skakel 027 216 1530.
Fryer’s Cove
Fryer’s Cove het eens soos 'n onwaarskynlike droom gelyk. Tog het die plaaslike boer Jan van Zyl en sy swaer, Wynand Hamman, meer as 30 jaar gelede op hierdie groot avontuur gegaan. Hulle het wingerde op 'n afgeleë stuk grond net 540 m van die Atlantiese Oseaan geplant – die kleinste wyk in Suid-Afrika – in Bamboesbaai aan die ruwe Kaapse Weskus. Geïnspireer deur die wyne van Marlborough in Nieu-Seeland, wat dieselfde koue winters en koel someraande soos Bamboesbaai het, was die droom om kenmerkende wyne te maak wat anders is as enigiets wat jy in Suid-Afrika sou vind.
'n Koel mislaag deponeer tot 50 kg seesout per hektaar per jaar op die blare en druiwe, wat wingerdsiektes voorkom en tot die minerale in die wyne bydra. Die kelder is in 'n ou kreeffabriek waarvan die aanleg oor die see uitkyk. Ysige seewater word in die kelder gepomp om die tenke tydens gisting af te koel. Uit hierdie kombinasie van slim denke en minimalisme word premium wyne geskep. Soos hul leuse lui: Wines forged of the earth, tempered by the sea.
Die blad is betaal en die inhoud verskaf deur die adverteerders. Netwerk24 aanvaar geen aanspreeklikheid vir die geadverteerde dienste of produk nie.
Hier’s die wenners!
Ons het hierdie jaar weer heelwat inskrywings vir ons blomfotokompetisie gekry. Inskrywings is weer oopgestel vir ander gebiede en was nie beperk tot die vyf blomstreke nie.
Twee mense van Die Burger het ’n groep van 10 foto’s vir die finale beoordeling gekies.
Die top-10 is na Media24 Nuus se hooffotograaf, Jaco Marais, wat die drie wenners gekies het. Hy het ook spesiale vermelding vir een van die foto's gegee.
Anita du Toit is hierdie jaar ons wenner met haar foto wat sy van die blomme by die Maskamberge geneem het. Sy wen ’n aand se verblyf vir twee mense by Moorrees in Moorreesburg. Dit sluit ’n suurdeeg-broodbakklas ter waarde van R3 500 in.
Willie Schoeman is tweede met die foto wat hy geneem het van die stukkie veld voor die Nieuwoudtville-kerk. Hy wen ’n geskenkpak van Simply Bee ter waarde van R3 000.
Lindie Lennox is derde met haar foto van die watsonias op Tafelberg. Sy wen ’n geskenkpak van Netwerk24 ter waarde van R1 000.
’n Groot dankie aan almal wat die moeite gedoen het om in te skryf vir die kompetisie.
Eerste plek: Maskam se blommeprag. Jaco Marais se kommentaar oor die wenfoto: “Anita du Toit se foto van die Namakwalandblomme met die Maskamberg in die agtergrond het dadelik my oog gevang en my sommer laat uitsien na die komende blommekyk-seisoen. Dit is daardie tipe foto wat jou laat stop en kyk en nóg kyk. Die kleure in die foto komplementeer mekaar, en daar is ook goeie komposisie en balans in die foto.”
Tweede plek: Nieuwoudtville se madeliefies. “Willie Schoeman se geel madeliefies wat die fokuspunt is voor die uitfokus kerktoring in die agtergrond gee aan hom die tweede plek,” vertel Jaco. “Willie se goeie komposisie en noukeurige kies van die komponente in die foto het sterk bygedra tot die foto se tweede plek.”
Derde plek: Watsonias by Tafelbergroete. Jaco se kommentaar oor hierdie foto: “Daar is ‘n gesegde in fotografie dat die beste kamera die een is wat jy by jou het. Lindie Lennox se foto wys die goeie gebruik van ’n selfoonkamera. Die sterk lyne in die foto laat haar foto in die derde plek eindig.“
Spesiale vermelding vir katsterte: “Ek wil graag spesiale vermelding aan Riaan Wolhuter gee vir sy foto,” sê Jaco. “Riaan, ek hoop jy druk jou foto groot uit en laat dit raam. Dit verdien om gesien te word.” Riaan se foto is van geel katsterte (Bulbinella) in die Nieuwoudtville-omgewing.
Die res van die top-10
Hier is die res van die top-10-inskrywings. Dis in geen spesifieke volgorde nie. Daar is slegs 'n topdrie gekies uit die top-10.
Foto: Annatjie Briel. Hierdie madeliefies is afgeneem in die Namakwa Nasionale Park.Foto:
annatjie b
Foto: Riaan Wolhuter. Magrietjies, aandblomme en sambreeltjies in die Nieuwoudtville-omgewing.W
Foto: Erhardt Korf. Dié madeliefies is afgeneem op ‘n grondpad naby Komaggas, wes van Springbok.
Foto: Dr. Peet Delport het hierdie foto van die blom met ’n by tussen Lutzville en Strandfontein afgeneem.
Foto: Riaan Wolhuter. Aandblom (Hesperantha) in die Nieuwoudtville-omgewing.
Foto: Brehette Agenbag. Hierdie foto van die blousporrieblomme is op ’n plaas in die Garies-omgewing afgeneem.
Uitleg: Lizelle van Jaarsveld
Subredakteurs: Elizabeth de Villiers en Adele Myburgh
Bedryfsredakteur: Mari Zeelie
Joernaliste: Danielle Daniëls, Tasneem van Rooyen en Mauricia Petersen
Grafiese ontwerper: Rakin Baatjies
Assistent-redakteur: Projekte + Platformontwikkeling: Maryke Cumpsty
Built with Shorthand